Wednesday, October 15, 2008

ಸ್ಕೂಪ್, ಬ್ರೇಕಿಂಗ್ ನ್ಯೂಸ್, ಫ್ಲಾಶ್ ನ್ಯೂಸ್...!


"ಸುದ್ದಿಮಾತು ಸ್ಕೂಪ್..ನಾಳೆ ನೋಡಿ... "
- ಎಂದಾಕ್ಷಣ ಏನಿರಬಹುದು? ಎಂಬ ಕುತೂಹಲ ಓದುಗರಲ್ಲಿ ಮೂಡಿದ್ದು ಸಹಜ. ಸ್ಕೂಪ್, ಬ್ರೇಕಿಂಗ್ ನ್ಯೂಸ್, ಎಕ್ಸ್ಲೂಸಿವ್, ಫ್ಲಾಶ್ ನ್ಯೂಸ್..ಎಂಬ ಪದಗಳಿಗೆ ವೀಕ್ಷಕರನ್ನು ಹಿಡಿದಿಡುವ ಶಕ್ತಿ ಇದೆ. ಜನರು ಕಣ್ಣರಳಿಸಿ, ಬಾಯಿ ಬಿಟ್ಕೊಂಡು ಏನಪ್ಪಾ ಇದು ಅಂತ ನೋಡ್ತಾರೆ.
ಆದರೆ ಇತ್ತೀಚಿನ ದಿನಗಳಲ್ಲಿ ಬ್ರೇಕಿಂಗ್ ನ್ಯೂಸ್ ಹಾಗೂ ಫ್ಲಾಶ್ ನ್ಯೂಸ್ ಎಂಬ ಪದಗಳು ಅದೆಷ್ಟು ಸವಕಲಾಗಿವೆ ಎಂದರೆ, ಯಾವುದೇ ರೆಗುಲರ್ ಸುದ್ದಿಯೂ ಬ್ರೇಕಿಂಗ್ ನ್ಯೂಸ್ ಆಗಿಬಿಡುತ್ತದೆ.
Breaking News ಎಂದು ಮೂರ್‍ನಾಲ್ಕು ಬಾರಿ ಸ್ಕ್ರೀನ್ ಮೇಲೆ ಫ್ಲಾಶ್ ಆದ ಮೇಲೆ ಸುದ್ದಿ ಬರುತ್ತೆ - ಹಾಸನ ಜಿಲ್ಲೆ ಅರಸೀಕೆರೆಯಲ್ಲಿ ನಾಲ್ವರು ಜೂಜುಕೋರರ ಬಂಧನ. ಇಂತಹ ಸುದ್ದಿಗಳ ಬಂಧಿತರ ಕುಟುಂಬದವರ ಹೊರತಾಗಿ ಮತ್ತಾರಿಗೆ ಬ್ರೇಕಿಂಗ್ ನ್ಯೂಸ್ ಆಗಲು ಸಾಧ್ಯ. ಮೇಲಾಗಿ ನಾಲ್ಕೈದು ಬಾರಿ ಈಗಾಗಲೇ ಅವರು ಇದೇ ಆರೋಪದ ಮೇಲೆ ಬಂಧನವಾಗಿದ್ದರೆ, ಅದು ಅವರ ಮನೆಯವರಿಗೂ ಸವಕಲು ಸುದ್ದಿಯೇ.
ಆದರೂ ಟಿವಿ೯ ದೃಷ್ಟಿಯಲ್ಲಿ ಅದು ಬ್ರೇಕಿಂಗ್ ನ್ಯೂಸ್! ಇತ್ತೀಚಿನ ದಿನಗಳಲ್ಲಂತೂ ಬ್ರೇಕಿಂಗ್ ನ್ಯೂಸ್ ಎಂಬ ಸ್ಟ್ರಿಪ್ ಇರದೆ ಟಿವಿ೯ ನೋಡಲು ಸಾಧ್ಯವೇ ಇಲ್ಲವೇನೋ ಎಂಬಂತಾಗಿದೆ. ಮುಂಜಾವಿನಲ್ಲಿ ನಡೆದ ದರೋಡೆ ರಾತ್ರಿ ಎಂಟು ಗಂಟೆಯ ಈ ಟಿವಿ ವಾರ್ತೆಯಲ್ಲೂ ಫ್ಲಾಶ್ ನ್ಯೂಸ್!
ಮುದ್ರಣ ಮಾಧ್ಯಮವೂ ಈ ಚಾಳಿಯಿಂದ ಹೊರತಾಗಿಲ್ಲ. ಕಫೀಲ್, ಸಬೀಲ್ ಪ್ರಕರಣದಲ್ಲಿ ಟೈಮ್ಸ್ ಆಫ್ ಇಂಡಿಯಾ ವರದಿಗಾರರು ಬರಿದದ್ದೇ ಬ್ರೇಕಿಂಗ್ ನ್ಯೂಸ್, ಎಕ್ಸ್ಲೂಸಿವ್! ವಿಶೇಷ ವರದಿ ಹೆಸರಿನಲ್ಲಿ ಪತ್ರಿಕಾ ಹೇಳಿಕೆಗಳೂ ಅಚ್ಚಾಗುತ್ತವೆ. ಇಂತಹ ಸವಕಲು ಸುದ್ದಿಮಾಡಿ ಬೈ-ಲೈನ್ ಗಿಟ್ಟಿಸುವ ಜಾಣ ಪತ್ರಕರ್ತರಿಗೆ ಈ ಹೊತ್ತಿನ ಪತ್ರಿಕೋದ್ಯಮದಲ್ಲಿ ಹೆಚ್ಚಿನ ಮಾನ್ಯತೆ.
ಅದೊಂದು ಕಾಲವಿತ್ತು, ಪ್ರಜಾವಾಣಿ ಸೇರಿ ಒಂದು ವರ್ಷದ ತನಕ ಎಂತಹದೇ ಸುದ್ದಿ ನೀಡಿದರೂ ವರದಿಗಾರನಿಗೆ ಬೈ-ಲೈನ್ ಇಲ್ಲ. ನಂತರವಾದರೂ ಒಂದು ಬೈಲೈನ್ ಸುದ್ದಿ ಎಂದರೆ, ಅದು ಮೂರ್‍ನಾಲ್ಕು ಹಿರಿಯ ಸಹೋದ್ಯೋಗಿಗಳ ಮೆಚ್ಚುಗೆ ಗಳಿಸಬೇಕಿತ್ತು. ಈಗ ಅದೆಲ್ಲ ಇಲ್ಲ ಬಿಡಿ. ದಾಸರಹಳ್ಳಿಯಲ್ಲಿ ಮೂವರು ಕರೆವೆಣ್ಣುಗಳ ಬಂಧನವಾಗಿದೆ, ಅದು ಬೇರೆ ಯಾವ ಪತ್ರಿಕೆಗೂ ಸಿಕ್ಕಿಲ್ಲ ಎಂದು ಷರಾ ಬರೆದು ಬೈ-ಲೈನ್ ಹಾಕಿ ಕಳುಹಿಸಿದರೆ ಅದು ಎಕ್ಸ್ಲೂಸಿವ್ ಎಂಬ ತಲೆಬರಹದೊಂದಿಗೆ ಅಚ್ಚಾಗುತ್ತದೆ.
ನಿಮಗಿದು ಗೊತ್ತಿರಲಿ: ಪ್ರಜಾವಾಣಿ ಗ್ರೂಪ್ ಒಂದು ಚಾನೆಲ್ ಆರಂಭಿಸುವ ಆಲೋಚನೆಯಲ್ಲಿದೆ. ಹಾಗೆ ನೋಡಿದರೆ, ಕನ್ನಡ ಚಾನೆಲ್ ಸ್ಥಾಪನೆಗಾಗಿ ಕರ್ನಾಟಕದಲ್ಲಿ ಮೊದಲು ಅನುಮತಿ ಪಡೆದದ್ದು ಪ್ರಜಾವಾಣಿ. ಅಂದು ಅವರು ಸುಧಾ ಎಂಬ ಹೆಸರಿನ ಚಾನೆಲ್ ಆರಂಭಿಸುವ ಯೋಚನೆ ಮಾಡಿದ್ದರು. ಕೆ.ಎನ್ ಶಾಂತಕುಮಾರ್ ಈ ಪ್ರಯತ್ನದ ಹಿಂದಿದ್ದಾರೆ ಎಂಬ ಸುದ್ದಿ ಇದೆ. ಕನ್ನಡದಲ್ಲಿ ಈಗಾಗಲೇ ಬೇರೂರಿರುವ ಟಿವಿ೯, ಬೇರೂರುತ್ತಿರುವ ಸುವರ್ಣ ಸುದ್ದಿ ವಾಹಿನಿಗಳ ಎದುರು ಪೈಪೋಟಿ ನಡೆಸುವ ಛಾತಿ ಹೊಸ ಚಾನೆಲ್‌ಗೆ ಬೇಕು. ಆದರೆ ಅದು ಮತ್ತೊಂದು ನಿಸ್ತೇಜ ಪ್ರಜಾವಾಣಿಯಾದರೆ ಉಪಯೋಗವಿಲ್ಲ.
ಅಂದಹಾಗೆ ಈ ಮೇಲಿನ ಸುದ್ದಿಯನ್ನು ಸುದ್ದಿಮಾತು ಓದುಗರು ಬ್ರೇಕಿಂಗ್ ನ್ಯೂಸ್ ಎಂದು ಪರಿಗಣಿಸಿದರೆ ನಮ್ಮ ತಕರಾರೇನಿಲ್ಲ.

6 comments:

Anonymous said...

nonsense article on prajavani breaking news

Anonymous said...

ರೀ ಸ್ವಾಮೀ ನೀವು ಮಾಡುತ್ತಿರುವುದೇನು, ಪ್ರಾರಂಭದ ದಿನಗಳಲ್ಲಿ ನಮ್ಮ ಟಿವಿ ಮಾದ್ಯಮಗಳ ಮೇಲೆ ಒಂದು ಹದ್ದಿನ ಕಣ್ಣಿಡುವ ಕೆಲವರು ಬಂದರಲ್ಲಾ ಎಂದು ಸಂತೋಷವಾಗಿತ್ತು ಆದರೆ ನೀವುಮಾತ್ರ ಬರಿ ಕ್ರಿಟಿಸೈಸ್‌‌‌ ಮಾಡುವದರಲ್ಲೆ ಕಾಲಕಳೆಯುತಿದ್ದಿರಲ್ಲಾ ಸ್ವಲ್ಪ ಉತ್ತಮ ಕೆಲಸ ಮಾಡುವವರನ್ನೂ ಗಮನಿಸಿ ಸ್ವಾಮಿ..

Anonymous said...

Enu baredru odtare anta Taken For Granted feel bandiro hagide.

Anonymous said...

Prajavani channel baruttade emba suddhi nijakkoo scooooooooop. ee sala aadaroo yajane kaaryagata gollali...mattu neevu anda haage prajavaaniya haage jeevanta henavaagadirali anta sadaashayadinda aashisuttene

Anonymous said...

TV9, Prajavani Bagge Bareyuva Munche Swalpa Nimma bagge Alochisi... Tv9 bagge bareyo yogyate nimgilla andkotini..

Anonymous said...

TV9, Prajavani Bagge Bareyuva Munche Swalpa Nimma bagge Alochisi... Tv9 bagge bareyo yogyate nimgilla andkotini..