ಹಾಗಾದ್ರೆ ಯಾರವರು?

ಇಂಥದೊಂದು ಅನುಮಾನ ಪತ್ರಕರ್ತರ ವಲಯದಲ್ಲಿ ಸುಳಿದಾಡುತ್ತಿದೆ. ಕಳೆದ ಗುರುವಾರ ಕಾದಂಬರಿಕಾರ ಎಸ್.ಎಲ್.ಭೈರಪ್ಪ ಮತಾಂತರ ಕುರಿತಂತೆ ಅವರು "ಅಧ್ಯಯನ" ನಡೆಸಿ ಬರೆದ ಲೇಖನವನ್ನು ವಿಜಯ ಕರ್ನಾಟಕ ಪ್ರಕಟಿಸಿತು. ಗಮನಿಸಬೇಕಾದ ಸಂಗತಿ. ಲೇಖನದ ಜತೆ ಕಾದಂಬರಿಕಾರರ ಫೋಟೋ ಕೂಡ ಪ್ರಕಟವಾಯಿತು.
ಶುಕ್ರವಾರ ಜಾನ್ ಸಿಕ್ವೇರಾ ಎಂಬ "ಪ್ರಗತಿ ಪರ ಚಿಂತಕರು" ಸೋನಿಯಾ ಗಾಂಧಿಯನ್ನು ಎಗ್ಗಾ ಮುಗ್ಗಾ ಹೊಗಳಿ, ಭೈರಪ್ಪರನ್ನು ತೆಗಳಿ ಲೇಖನ ಬರೆದರು. ಆ ಲೇಖಕರ ಮೂಲ ಕಾಣಲಿಲ್ಲ.
ಭಾನುವಾರ ರವಿಬೆಳೆಗೆರೆ ಲೇಖನ ಪ್ರಕಟವಾಯ್ತು. Ofcourse, ಅವರ ಭಾವಚಿತ್ರದೊಂದಿಗೆ. ಒಂದೇ ದಿನದ ನಂತರ ರವಿ ಲೇಖನಕ್ಕೆ ಪ್ರತಿಕ್ರಿಯೆ- ರಾಮಚಂದ್ರಶೆಣೈಯವರಿಂದ - ಅವರದೂ ಭಾವಚಿತ್ರ ಇಲ್ಲ!
ಸದ್ಯದ ಪ್ರಶ್ನೆ- ಯಾರು ಈ ಜಾನ್ ಸಿಕ್ವೇರಾ ಹಾಗೂ ರಾಮಚಂದ್ರ ಶೆಣೈ? ಶೆಣೈ ಬರಹ ಓದಿದವರಿಗೆ ಅದನ್ನು ಬರೆದವರು ಪ್ರತಾಪಸಿಂಹ ಇರಬಹುದೇ ಎನ್ನುವ ಅನುಮಾನ ಬರದಿರಲಾಗದು. ಜಾನ್ ಸಿಕ್ವೇರಾ ಕೂಡ ವಿ.ಕ.ಸೃಷ್ಟಿ ಯಾಕಿರಬಾರದು! ಪ್ರತಾಪ ಸಿಂಹ ಬೇರೆಯವರ ಹೆಸರಲ್ಲಿ ಓದುಗರ ಪತ್ರ ಬರೆದು ತಾನೇ ಪ್ರಕಟಿಸುವುದು ವಿ.ಕ. ಬಳಗಕ್ಕೆ ಗೊತ್ತಿರುವ ಸಂಗತಿಯೇ. ಸಿಂಹ ತನ್ನ ಆಪ್ತ ಗೆಳೆಯರ ಬಳಿ ಈ ಬಗ್ಗೆ ಒಪ್ಪಿಕೊಂಡ ಉದಾಹರಣೆಗಳೂ ಇವೆ. ಸಂವಾದವನ್ನೂ ವಿಶ್ವೇಶ್ವರಭಟ್ಟರು ಪಕ್ಕಾ ಲೆಕ್ಕಾಚಾರದಿಂದಲೇ ಮುನ್ನಡೆಸುತ್ತಿದ್ದಾರೆ. ವ್ಹಾ ಭಟ್ಟರೆ! ಬಹುಪರಾರಕು ನಿಮಗೆ!